ഡബ്ലിൻ സീറോ മലബാർ സഭയിൽ സാര്വത്രിക സഭയുടെ മധ്യസ്ഥനായ വിശുദ്ധ യൌസേപ്പിതാവിന്റെ മരണത്തിരുനാൾ 2016 മാർച്ച് 19 ശനിയാഴ്ച സാഘോഷം കൊണ്ടാടുന്നു.
അന്നേ ദിവസം ഉച്ച കഴിഞ്ഞു 2 മണിക്ക് ലൂക്കന് ഡിവൈന് മേഴ്സി ദേവാലയത്തില് വച്ച് നടത്തപ്പെടുന്ന ദിവ്യബലിയർപ്പണം, ദിവ്യബലിക്ക് ശേഷം വിശുദ്ധ യൌസേപ്പിതാവിന്റെ തിരുസ്വരൂപം വഹിച്ചുകൊണ്ടുള്ള പ്രദിക്ഷണം, ലദീഞ്ഞ്, നൊവേന, തിരുനാൾ നേർച്ച എന്നീ തിരുക്കർമ്മങ്ങളും ഉണ്ടായിരിക്കും.
വിശുദ്ധ യൌസേപ്പിതാവിനോടുള വണക്ക മാസം ആചരിക്കുന്ന ഈ പ്രാർത്ഥനാകാലത്തിലെ തിരുനാളിലേക്ക് ഏവരെയും പ്രാർത്ഥനാപൂർവകമായി സ്വാഗതം ചെയ്യുന്നതായി ഡബ്ലിൻ സീറോ മലബാർ സഭ ചാപ്ലൈൻസ് ഫാ. ജോസ് ഭരണിക്കുളങ്ങര & ഫാ. ആന്റണി ചീരംവേലിൽ എന്നിവർ അറിയിച്ചു. വിശുദ്ധ കുർബാന മദ്ധ്യേ ബഹു. ഫാ. ജോസഫ് വെള്ളനാൽ OCD തിരുനാൾ സന്ദേശം നൽകുന്നതാണ്.